السلام عليكم , ..زائرنا الكريم._.للمشاركه في المنتدي ينبغي عليك التسجيل ..اولا
اسم المستخدم: كلمة المرور: Secret Key تذكرني
نرجوا الالتزام بالحديث فقط عن ما يخص دولة السويد في هذا القسم

الموضوع: الطريق إلى السويد (بالقطارات)

الطريق إلى السويد (بالقطارات) 6 سنوات 6 شهور ago #16

  • أبو كفاح
  • أبو كفاح's الصورة الرمزية
  • Offline
  • Junior Member
  • مشاركات: 29
  • تلقي الشكر 9
  • السمعة: 7
السلام عليكم ورحمة الله وبركاته
كثرت الأسئلة عن الطريق إلى السويد أو هولندا أو ألمانيا من إيطاليا للأخوة القادمون من مصر وليبيا خصوصاً ... أو اليونان ....
الشروط التي نسمعها دائماً نريد الطريق الذي يقل فيه الكنترول والأوفر سعراً طبعاً ...
رح اكتب الطريق اللي رسمتو وشوية إرشادات لتوصلوا بالسلامة إن شاء الله
الطريق رح بلشو من روما عاصمة إيطاليا واللي بكون موجود قبلها يطلع عليها ومن هنيك يقطع التذكرة
ضروري انك تقطع منها ما تقطع من قبل لانو الرحلة رح تعتمد عالتبديل بلقطارات كتيير والمرور من مدن محددة
مشان الكنترول وعدة شغلات
1_روما بالانكليزي Rome بتقطع تكت لميلانو milan ..في تكت بخمسين يورو بكون القطار بطيء بياخد وقت حوالي السبعة للتمانية ساعات وفي تكت قطار سريع بالدرجة الأولى أسرع وأفخم .. طبعاً انت ما بهمك هالشي بس هاد أحسن مشان الوقت وبكون الكنترول فيو أخف كونو درجة أولى ..

2_ميلانو milan بتقطع تكت لتورينو turin حقو حوالي الأربعين يورو وفي كل ساعة قطار من محطة ميلانو الرئيسية لهنيك ...

3_تورينو turin بتقطع تكت لمدينة ليون الفرنسية lyon انت هلأ بفرنسا كنترول مافي علقد مافي عرب مغاربة حرامية مشلحين وولاد حرام فدير بالك ...

4_ليون فرنسا lyon بتقطع تكت لباريس paris ما عندي قكرة عالسعر بس دائما قدرو بلقطار العادي الأسعار حوالي عشرة يورو لكل مية كيلو ...

5_باريس paris عاصمة الحب بتاخد كم صورة حد برج إيڤل وبتقطع تكت لأمستردام amsterdam مباشر ...

6_أمستردام ....هولندا amsterdam انت هلأ بتقرر بدك اتضل هون ولا بدك تكفي عالسويد (جماعة هولندا هون بتنزلو وبتصلوا ركعتين شكر لله تعالى:-)
--اللي بدو يكفي عالدنمارك أو السويد بتقطع تكت لمدينة هامبورغ hamburg مدينة ألمانية ضخمة فالشمال ...ولا تخاف من الكنترول الألماني بنوب
))اللي خايف يشتري لفة حشيش من امستردام ويدخنا قبل ما يطلع هنيك الحشيش مسموح وبضيفوه ضيافة 3>
7_هامبورغ ... ألمانيا hamburg بتقطع تكت ل… كوبنهاچن copenhagen وبقلولا كمان Kobehaven ....

8_ كوبنهاچن ... الدنمارك copehagen بتقطع تكت لمالمو malmö أول مدينة بالسويد قدامك و بدك تقطع للعاصمة استوكهولم stockholm عكيفك بس بعيدة كتيير ....

بعض الشغلات لازم تنتبهولن وتلتزموا فيهن مليح ؛

1_ الطريق مقسم 8 مراحل ... انا فيني اقلك اقطاع تكت دايركت لأمستردام...هولندا ..أو مالمو ..بالسويد
وعالتكت بحطولك وين لازم تبدل القطار بس بهالطريقة أولاً اخترت الطريق اللي مافيو كنترول كتيير ومانو طويل نوعا ما ً وانت محدد المدن اللي بدك تمر منها بالضبط..

2_ضروري تلتزم بلمراحل مرحلة مرحلة ما تقطع ولا وحدة بمجرد انك تختصر وتقطع تكت للمدينة اللي بعدها
السبب : ببساطة القطار اللي بتركبو فهالمراحل محسوب الخط اللي مارق فيو وين يعني اهم الشي ما في مرور من سويسرا لانو الكنترول فيها نسبتو 95%
مشان هيك لازم تروح عتورينو ومن هنيك تقطع لفرنسا ما بصير تقطع من ميلانو دغري ...هاد مثال ...

3_ الوقت : الوقت مهم كتيير بالنسبة للكنترول
اول شي ازا بتطلع يوم الجمعة والسبت مليح كتيير لانو عطلة وبكون في حركة كتيير
تاني شي حاول المرحلة رقم 1 و 5 و 6 و7 تكون بالليل وازا بتنام بلقطار لا تقصر
وبالنسبة للمرحلة 2 و 3 و 4 بالنهار مافي مشكلة ...

4_المظهر وطريقة المشي :
اذا كنتو جماعة اصحا تطلعو اكتر من تنين حد بعض او تمشوا سوا بمحطات القطار الرئيسية وبالنسبة للتياب عادي ولا يهمك المهم لا تتلبك وتنشلق بس تشوف اوربا خليك ريلاكس يا كبير ووقت خدا بيحكيك رد عليه اقل من عادي
5#_ ‫#‏والأهم_شي‬: اقطع التكت من الآلة مو من مكتب الشركة ... كتيير ناس اجو يقطعوا من المكتب بلغوا عنهن مشان الكنترول يطلع علقطار ...
الآلات كلا فيها نظام انكليزي انت بس اختار علم بريطانيا واسآل اي حدا ازا ما عرفت ...ولا مانع تسألن بالشركة انو ايمتا موعد القطار للمدينة الفلانية واديش تكلفتو ... الخ...بس لا تقطع من عندن
6_ الطريق مقسم بحيث انت تقطع تكت ما تغير القطار فيو يعني في رحل اوقات بتكون فيها تبديل قطارات
الطريق اللي مقسم هون غالباً في قطارات سحبة وحدة لهلمدن ...بس للاحتياط رح اعطيك اسم تطبيق بتنزلو عجوالك وبتحطلو انت وين ولوين بدك تروح بيقلك اي دقيقة في اول قطار وازا فيو تباديل ولا لأ..

play.google.com/store/apps/details?id=de.hafas.android.db
(قام بشكرك) : narmen

الطريق إلى السويد (بالقطارات) 5 سنوات 5 شهور ago #518

بدنا الطريق من النمسا على النيرويج لو سمحتوا

الطريق إلى السويد (بالقطارات) 5 سنوات 4 شهور ago #528

  • sltan
  • sltan's الصورة الرمزية
  • Offline
  • New Member
  • مشاركات: 2
  • السمعة: 0
اخوي ابوكفاح ممكن تشرحلنا الطريق من اليونان الى مقدونيا الي صربيا الى بلغاريا الي النمسا الى اللمانيا الى الدينمارك الى السويد اسماء البلدات الي نقطع منها بالقطارات ياريت تفيدنا اذا عندك معلومه كافيه

الطريق إلى السويد (بالقطارات) 5 سنوات 3 شهور ago #542

  • narmen
  • narmen's الصورة الرمزية
  • Offline
  • New Member
  • مشاركات: 1
  • السمعة: 0
مشكور جدا اخي كفاح هل الموضوع الي شهرين بدور عليه كنت شايفه متله وضاع مني وانا بعمل سيرش علي جوجل لقيته وكتييييييييييير ممنونالك بجد .... بس انا يلي بدي اساله في يكانت تفاصيل من ايطاليا انه افوت بفيزا سياحيه كم من الوقت انتظر في ايطاليا وبعدين احجز متل ما حكيت علي ولايه من ولايات المانيا يارت بس تجاوبني علي السؤال لاني بامس الحاجه اله ومشكور مره اخرهه :)

الطريق إلى السويد (بالقطارات) 5 سنوات 2 شهور ago #546

  • abd
  • abd's الصورة الرمزية
  • Offline
  • New Member
  • مشاركات: 1
  • السمعة: 0
مشكور اخي في مجال تشرحلنا الطريق من اليونان وشكرا
المشرفين: hasan
الوقت لإنشاء الصفحة: 0.131 ثانية